آزادي صحافت جي ڏهاڙي تي وڏي وزير جو پيغام

Posted on: 06 May 2025 Tags:

ڪراچي (3 مئي): وڏي وزير مراد علي شاھ سچ جي ڳولا ۾ جان قربان ڪندڙ صحافين کي خراج تحسين پيش ڪندي کين آزادي صحافت جو هيرو قرار ڏنو. وڏي وزير فلسطيني صحافين جي همت کي ساراهيو جيڪي اسرائيلي جارحيت جو شڪار ٿيا، ان ڳالهه تي زور ڀريو ته صحافين تي حملا عالمي جمهوريت لاءِ هڪ سنگين خطرو آهن. هن چيو ته "اظهار راءِ جي آزادي پاڪستان ۾ هڪ آئيني حق آهي." هن صحافين تي زور ڀريو ته هو سنسني خیز يا ريٽنگز لاءِ افواهه پکيڙڻ کان پاسو ڪن. مراد شاھ وڌيڪ چيو ته سنڌ حڪومت صحافين کي مڪمل آزادي ڏني آهي ۽ ان ڳالهه جو عهد ڪيو ته صوبائي حڪومت پاران ڪنهن به صحافي خلاف ڪابه ڪارروائي نه ڪئي وئي آهي. وڏي وزير تازو ئي ڪينالن بابت ٿيندڙ تڪرار جو به ذڪر ڪيو جنهن ۾ چيو ويو ته پاڪستان پيپلز پارٽي (پي پي پي) ۽ سنڌ حڪومت خلاف ڪيتريون ئي ڪوڙيون خبرون شايع ٿيون آهن. وڏي وزير صحافين کي همٿايو ته هو مثبت ترقيءَ خاص طور تي ڪراچي جو بهتر منظر کي اجاڳر ڪن . هن اهو دعويٰ ڪندي پنهنجي پيغام جي پڄاڻي ڪئي ته سنڌ ۾ صحافي ملڪ جي ٻين علائقن جي ڀيٽ ۾ وڌيڪ تحفظ ۽ آزاد آهن.

Back