"حق جي جنگ" جي موضوع هيٺ آزادي جو ڏينهن ملهائڻ جو فيصلو

"حق جي جنگ" جي موضوع هيٺ آزادي جو ڏينهن ملهائڻ جو فيصلو

ڪراچي (2 آگسٽ): سنڌ جي وڏي وزير سيد مراد علي شاهه جي صدارت هيٺ آزادي ڏھاڙي جي تقريبن بابت هڪ اهم اجلاس منعقد ٿيو جنهن ۾ ميڊيا، سول سوسائٽي، شوبز، راندين، صحافت ۽ قومي رانديگرن جا نمائندا شرڪت ڪئي. اجلاس جو مرڪزي موضوع "معرڪوءِ حق" رکيو ويو هو۔ اجلاس ۾ صوبائي وزير شرجيل انعام ميمڻ، سيد ناصر حسين شاهه، سعيد غني، ذوالفقار شاهه، وزيراعليٰ جي سيڪريٽري رحيم شيخ، سيڪريٽري جنرل ايڊمنسٽريشن محمد علي کوسو، سيڪريٽري اطلاعات، ۽ سيڪريٽري ثقافت خير محمد پڻ شرڪت ڪئي۔ اجلاس ۾ شرڪت ڪندڙ اهم شخصيتن ۾ فيصل ايڌي، جهانگير خان، معين خان، سينئر اداڪار مصطفيٰ قريشي، منور سعيد، احمد شاهه، سينئر صحافي غازي صلاح الدين، ۽ قومي رانديگر يونس خان ۽ نسيم حميد شامل هئا، جيڪي آزادي ڏينھن جي تقريبن لاءِ ٻڌيءَ جي علامت هئا۔ وڏي وزير مراد علي شاهه پنهنجي خطاب ۾ چيو ته هن سال جي تقريبون رڳو آزادي ملهائڻ تائين محدود ناهن پر ظلم خلاف تاريخي فتح جي ياد به آهن۔ هن زور ڏنو ته مختلف فڪر جي دانشورن کي انهن تقريبن ۾ ڀرپور شرڪت ڪرڻ گهرجي۔ هن ٻڌايو ته هو اڳ ئي مختلف مذهبن جي عالمن ۽ اڳواڻن سان آزادي جي اهميت تي ڳالهيون ڪري چڪو آهي۔ مشهور شخصيتن کي دعوت ڏيڻ جو مقصد سندن راءِ حاصل ڪرڻ ۽ سندن شرڪت کي يقيني بڻائڻ آهي۔ اجلاس ۾ سينيئر وزير شرجيل ميمڻ آگاهي ڏني ته سنڌ حڪومت پهرين آگسٽ کان آزادي ڏينھن جون تقريبون باقاعدي شروع ڪري ڇڏيون آهن ۽ ان سلسلي ۾ 162 مختلف تقريبون، جن ۾ راندين، ثقافت، موسيقي ۽ ٻين سرگرمين شامل آهن، منعقد ڪيون وينديون۔ تمام شرڪت ڪندڙ فنڪارن، رانديگرن ۽ صحافين ان تقريبن ۾ ڀرپور شرڪت جي پڪ ڏياري ۽ وزيراعليٰ سنڌ کي رنگين ۽ متحرڪ تقريبن جي رٿابندي تي واڌايون ڏنيون۔