وڏي وزير جي صدارت ھيٺ ڪورنگي ڪازوي پل جي تعمير، شاهراھ ڀٽو جي اضافي ڪم ۽ سهراب ڳوٺ جي ٽريفڪ مسئلن جو حل ڳولڻ لاءِ اجلاس

وڏي وزير جي صدارت ھيٺ ڪورنگي ڪازوي پل جي تعمير، شاهراھ ڀٽو جي اضافي ڪم ۽ سهراب ڳوٺ جي ٽريفڪ مسئلن جو حل ڳولڻ لاءِ اجلاس

ڪراچي (11 اپريل): سنڌ جي وڏي وزير سيد مراد علي شاہ، ڪورنگي ڪازوي پل جي تعمير، شاهراھ ڀٽو جي اضافي ڪم ۽ سهراب ڳوٺ جي ٽريفڪ مسئلن جو حل ڳولڻ لاءِ جائزو وٺڻ لاءِ هڪ اجلاس جي صدارت ڪئي. وڏي وزير ڪورنگي ڪازوي ۽ سي بي ايم روڊ تان ايندڙ ٽريفڪ کي منظم ڪرڻ لاءِ هڪ ارب رپيا رکيا آهن جنهن سان انڊر پاس جي تعمير ۽ روڊ جيومٽري کي بهتر بڻايو ويندو ته جيئن مختلف پاسائن کان ايندڙ ٽريفڪ کي سنڀاليو وڃي. هن هڪ مرڪزي چوراهي جي منظور ٿيل ڊيزائن کي پڻ منظور ڪيو جيڪو مقامي حالتن مطابق وڌيڪ بهتر ٿيندو. وزيراعليٰ هائوس ۾ ٿيندڙ اجلاس ۾ سينيئر وزير شارجيل انعام ميمڻ، سيد ناصر حسين شاہ، سعيد غني، مئير ڪراچي مرتضيٰ وهاب، خاص معاون قاسم نويد، چيف سيڪريٽري آصف حيدر شاہ، پرنسپل سيڪريٽري آغا واصف، ڪمشنر ڪراچي حسن نقوي، چيئرمين پلاننگ اينڊ ڊويلمينٽ نجم شاہ، سيڪريٽري لوڪل گورنمينٽ خالد حيدر شاہ، ايڊيشنل آءِ جي ڪراچي جاويد عالم اوڍو، سيڪريٽري ٽرانسپورٽ اسد ضامن، شاهراھ ڀٽو پروجيڪٽ ڊائريڪٽر نياز سومرو ۽ ٻيا موجود هئا. صوبائي وزير لوڪل گورنمينٽ سعيد غني، ڪورنگي ڪازوي پروجيڪٽ تي بريفنگ ڏني جنهن جي لاڳت 9.3 ارب رپيا آهي. بريفنگ ۾ ٻڌايو ويو ته پل ۽ ان سان لڳاپيل لوپس جي تعمير جاري آهي جڏهن ته 3000 ڪورنگي انٽرسيڪشن تي ترقيائي ڪم به هن منصوبي جو حصو آهي. شاهراھ ڀٽو بابت مراد علي شاہ، سمون ڳوٺ ويجهو فلائي اوور ۽ ٻين رابطي وارين روڊن لاءِ تڪنيڪي منظوري ڏني. هن پلاننگ اينڊ ڊويلمينٽ کي هدايت ڏني ته هڪ هفتي جي اندر ضروري منظوريون حاصل ڪريون ۽ تعميري ڪم فوري شروع ڪيو وڃي.  سهراب ڳوٺ جي ٽريفڪ جام جي مسئلي تي وڏي وزير پلاننگ اينڊ ڊويلمينٽ کاتي کي هدايت ڏني ته رائونڊ اباؤٽ کي ٻيهر ڊيزائن ڪرڻ ۽ لياري اڪسپريس وي، گلشن اقبال، گلشن چورنگي، گلشن مئير ۽ ويجهن رابطن وارن روڊن کي بهتر بڻائڻ جو حل پيش ڪيو وڃي. هن پلاننگ اينڊ ڊويلمينٽ ۽ لوڪل گورنمينٽ کي هدايت ڏني ته گڏجي ڪم ڪري تفصيلي منصوبي سان گڏ ڊيزائن جوڙجڪ پيش ڪري ته جيئن ان مطابق فيصلو ڪري سگهجي.