وڏي وزير مراد علي شاهه جو ورلڊ ڪلين اپ ڊي جو پيغام

وڏي وزير مراد علي شاهه جو ورلڊ ڪلين اپ ڊي جو پيغام

ورلڊ ڪلين اپ ڊي جي موقعي تي وڏي وزير سيد مراد علي شاهه پنهنجي پيغام ۾ ماحولياتي صفائي جي اهميت اجاگر ڪئي۔ هن چيو ته ماحول کي صاف رکڻ اسان سڀني جي گڏيل ذميواري آهي جڏهن⁠ته سنڌ جي سامونڊي پٽي کي آلاڻ کان بچائڻ حڪومت جي اهم ترجيحن مان آهي۔ وڏي وزير چيو ته سامونڊي آلودگي سڄي دنيا لاءِ وڏو خطرو آهي تنهنڪري ڪراچي ۽ ٻين سامونڊي شهرن کي صاف رکڻ عالمي اهميت رکي ٿو۔ هن چيو ته عوام جي سهڪار کان سواءِ صاف ۽ صحتمند ماحول قائم نٿو ٿي سگهي۔ وڏي وزير چيو صاف ماحول، صحتمند زندگي لاءِ لازمي آهي۔ ورلڊ ڪلين اپ ڊي جي موقعي تي سنڌ حڪومت پلاسٽڪ جي استعمال ۾ گهٽتائي جي عزم کي ٻيهر ورجايو۔ وڏي وزير چيو ته صحتمند ماحول، صاف ساحل ۽ پائيدار مستقبل ئي حقيقي ترقي جون ضمانتون آهن۔ سيد مراد علي شاهه عوام کي اپيل ڪئي ته هو پنهنجا شهر ۽ ڳوٺ ڪچري کان پاڪ ڪرڻ لاءِ اڳتي اچن، وڻڪاري مهم ۾ حصو وٺن ۽ فضول خرچي گهٽائڻ ۾ سهڪار ڪن۔ وڏي وزير پنهنجي پيغام جي پڄاڻي ۾ چيو تھ اسان سنڌ کي وڌيڪ سائو ۽ صحتمند بڻائڻ جي پنهنجي عزم کي ورجايون ٿا۔