وڏي زير پاران پوليس آپريشن دوران زخمي اهلڪارن جي بهادري جي واکاڻ

وڏي زير پاران پوليس آپريشن دوران زخمي اهلڪارن جي بهادري جي واکاڻ

ڏوھارين خلاف ڪارروائيون وڌيڪ تيز ڪيون وڃن، وڏي وزير جون هدايتون

عوام جي حفاظت سنڌ حڪومت جي پهرين ترجيح ۽ ذميواري آهي، سيد مراد علي شاهه

ڪراچي (9 ڊسمبر 2025ع) سنڌ جي وڏي وزير سيد مراد علي شاهه شڪارپور ۾ پوليس آپريشن دوران زخمي ٿيل اهلڪارن جي بهادري جي ساراهه ڪئي ۽ انهن جي جلد صحتيابيءَ لاءِ دعا ڪئي ۽ عيادت جو پيغام موڪليو. وڏي وزير سيد مراد علي شاهه ڊي ايس پي سٽي پارس بکراڻي، ڊي ايس پي ڳڙهي ياسين ظهور سومرو ۽ ٻن اهلڪار جي بهترين علاج کي يقيني بڻائڻ لاءِ اسپتال انتظاميه کي فوري هدايتون جاري ڪيون. هن چيو ته جيڪي ڏوھاري سرنڊر نه ڪندا تھ سندن خلاف سخت ڪارروائي ڪئي ويندي ۽ ڏوھارين خلاف ڪارروائيون وڌيڪ تيز ڪيون وينديون. وڏي وزيير آءِ جي پوليس کي هدايت ڪئي ته شڪارپور ۾ امن ۽ امان هر قيمت تي برقرار رکيو وڃي. وڏي وزير کي بريفند ڏيندي انسپيڪٽر جنرل پوليس غلام نبي ميمڻ ٻڌايو ته شڪارپور جي منچھر شاهه علائقي ۾ پوليس آپريشن دوران ڊي ايس پي پارس بکراڻي، ڊي ايس پي ظهور سومرو ۽ ٻه اهلڪار زخمي ٿيا، جن کي فوري طور اسپتال منتقل ڪيو ويو. پوليس جي بهادري واري ڪارروائي ۾ 8 ڏوھاري مارجي ويا ۽ گروهه جا اڳواڻ  پڻ انجام تي پهتا. اهي ڏوھاري سنگين وارداتن ۽ ڀنگ جي ڪيس ۾ گھربل ھئا. آپريشن دوران بڪتر بند گاڏيون ۽ ڊرون ٽيڪنالاجي استعمال ڪئي وئي. وڏي وزير هدايت ڪئي ته شڪارپور مان ڏوھارين جو مڪمل انت آندو وڃي ۽ پوليس آپريشن وسيع ڪيو وڃي، ھن چيو تھ  امن و امان خراب ڪرڻ وارن خلاف ڪا به نرمي نه ڪئي ويندي. هن وڌيڪ چيو ته عوام جي حفاظت حڪومت جي پهرين ترجيح ۽ ذميواري آهي.