سنڌ حڪومت تعليمي ترقي لاءِ پرعزم آهي: وڏو وزير مراد علي شاهه

Posted on: 17 Apr 2025 Tags:

ڪراچي (16 اپريل): سنڌ جي وڏي وزير سيد مراد علي شاهه ضياءالدين يونيورسٽي جي ڪنووڪيشن 2025 ۾ بطور مهمان خاص خطاب ڪندي اداري جي شاندار سفر جي واکاڻ ڪئي ۽ پڙهي نڪرندڙ شاگردن کي علمي ڪاميابين ۽ مستقبل لاءِ مبارڪباد ڏني. هي تقريب ايجوڪيشن سٽي ڪيمپس لنڪ روڊ تي منعقد ڪئي وئي. هن موقعي تي چانسلر ڊاڪٽر عاصم حسين، پرو چانسلر ڊاڪٽر ندا حسين، سي اي او ڊاڪٽر عماد حسين، وائس چانسلر پروفيسر ڊاڪٽر عباس ظفر، معزز فيڪلٽي، بورڊ جا ميمبر، شاگردن جا گهرڀاتي ۽ گريجوئيٽ شاگرد موجود هئا. خطاب ۾ وڏي وزير پڙهي نڪرندڙ شاگردن ۽ سندن گهرڀاتين کي دل جي گهراين سان مبارڪباد ڏني. هن چيو ته هي ڏينهن رڳو علمي ڪاميابي جو ناهي پر توهان مان هر هڪ جي ثابت قدم ۽ محبت جو پڻ اعتراف آهي، جڏهن توهان اڳتي وڌو ته توهان جو مقصد وڏو هجي، توهان جا ٽارگيٽ وڏا هجن ۽ توهان جي سوچ وڏي هجي. هن والدين ۽ سرپرستن جي اهم ڪردار جو ذڪر ڪندي سندن غير متزلزل حمايت جي تعريف ڪئي. وڏي وزير گريجوئيٽ شاگردن کي خطاب ڪندي زور ڏنو ته اهي پنهنجي مستقبل کي اعتماد سان منهن ڏين، جيئن ضياءُ الدين يونيورسٽي ۾ سيکاريو ويو آهي. وڏي وزير ضياءالدين يونيورسٽي جي غير معمولي ترقي تي پڻ روشني وجهي جيڪا ڊاڪٽر عاصم حسين جي بصيرتي قيادت ۾ ممڪن بڻي. وڏي وزير اداري جي ورثي جي تعريف ڪندي چيو ته ان جي ابتدا ڊاڪٽر اعجاز فاطمه ۽ ڊاڪٽر تجمل حسين پاران قائم ڪيل هڪ ميٽرنٽي هوم کان ٿي ۽ هاڻي اهو پنج اسپتالن جو وڏو نيٽ ورڪ ۽ هڪ ممتاز تعليمي اداري طور وجود ۾ اچي چڪو آهي. هڪ اهم سنگ ميل تي روشني وجهندي جيئن صدر پاڪستان پاران سکر ڪيمپس جي قيام تي، وڏي وزير ضياءالدين يونيورسٽي جي عزم کي خراج تحسين پيش ڪيو جيڪو ترقي پذير علائقن ۾ عالمي معيار جي تعليم ۽ صحت جي خدمتون تائين رسائي وڌائڻ ۾ مصروف آهي. هن چيو ته سکر علمي ۽ طب جو حب بڻجي رهيو آهي ۽ ضياءالدين يونيورسٽي هن تبديلي ۾ فيصلائتو ڪردار ادا ڪيو آهي. سنڌ حڪومت جي ترقي پسند تعليمي قدمن جي حمايت جي عزم جو عهد ڪندي هن اهڙن ادارن جي اهميت کي اجاڳر ڪيو جيڪي علم جي بنياد تي معاشري جي جوڙجڪ ۾ مددگار ثابت ٿين. پنهنجي خطاب جي پڄاڻي ۾ سيد مراد علي شاهه گريجوئيٽس تي زور ڏنو ته اهي ذاتي ڪاميابي ۽ معنيٰ خيز مقصد رکندا. پنهنجي يونيورسٽي، پنهنجي گهرڀاتين ۽ سڀ کان وڌيڪ پنهنجي ملڪ کي فخر بڻجندا. تقريب جي پڄاڻي هڪ نئين مقصد ۽ الهام جي احساس سان ٿيو جڏهن پڙهي نڪرندڙ شاگرد اعتماد سان پنهنجي زندگي جي نئين باب ۾ قدم رکندا جيڪو ضياءالدين يونيورسٽي جي مستقل ورثي ۽ عمدگي جي حمايت سان ممڪن بڻيو.

Back