سنڌ جي وڏي وزير پاران لاڙڪاڻي ۾ ڪامياب جلسي تي پيپلز پارٽي قيادت ۽ ڪارڪنن کي واڌايون

Posted on: 30 Dec 2025 Tags:

ڪراچي (27 ڊسمبر): سنڌ جي وڏي وزير سيد مراد علي شاهه لاڙڪاڻي ۾ پاڪستان پيپلز پارٽي جي ڪامياب جلسي جي انعقاد تي پارٽي چيئرمين، قيادت، عهديدارن ۽ ڪارڪنن کي مبارڪباد ڏيندي چيو آهي ته هي اجتماع عوامي اعتماد ۽ پارٽي قوت جو چٽو اظهار آهي. وڏي وزير پنهنجي پيغام ۾ چيو ته لاڙڪاڻي جي عوام هڪ ڀيرو ٻيهر پارٽي سان ڀرپور يڪجهتي جو اظهار ڪيو آهي، جنهن سان ثابت ٿئي ٿو ته عوامي سياست اڄ به زندهه ۽ متحرڪ آهي. هن چيو ته هي اجتماع رڳو جلسو نه هو، پر عوامي عزم جي تجديد هئي، جنهن ۾ قيادت، تنظيم ۽ ڪارڪن هڪ صف ۾ نظر آيا. مراد علي شاهه چيو ته پارٽي ڪارڪنن جي محنت، نظم و ضبط ۽ ڀرپور شرڪت هن جلسي کي تاريخي ۽ يادگار بڻائي ڇڏيو. سندس چوڻ هو ته ڪاميابي ڪنهن هڪ ڏينهن جي ڪوشش جو نتيجو ناهي، پر لڳاتار جدوجهد، قربانين ۽ عوامي خدمت جو ثمر آهي. وڏي وزير وڌيڪ چيو ته لاڙڪاڻي جو اجتماع پارٽي ۽ عوام جي مضبوط رشتے جي تصديق آهي ۽ اهڙا اجتماع عوامي سياست تي اعتماد کي وڌيڪ مضبوط ڪن ٿا. هن ڪامياب جلسي تي پارٽي قيادت، تنظيمي عهديدارن ۽ ڪارڪنن جي ڪوششن کي ساراهيو.

Back