ڪي-4 جي توسيع رٿا تي اڳڀرائي بابت اجلاس، وڏي وزير پاران ڪراچيءَ ۾ پاڻي جي لائن ڦاٽڻ تي ڳڻتي جو اظهار

ڪي-4 جي توسيع رٿا تي اڳڀرائي بابت اجلاس، وڏي وزير پاران ڪراچيءَ ۾ پاڻي جي لائن ڦاٽڻ تي ڳڻتي جو اظهار

ڪراچی (9 مئي): سنڌ جي وڏي وزير سيد مراد علي شاھ، ڪي فور واڌو منصوبي بابت اڳڀرائي جو جائزو وٺڻ لاءِ هڪ اجلاس جي صدارت ڪئي جنهن ۾ هن ڪراچي يونيورسٽي ۾ پاڻي جي هڪ لائين ڦاٽڻ تي سخت ڪاوڙ جو اظهار ڪيو ۽ هدايت ڪئي تہ واٽر بورڊ جلد ان لائن جي مرمت ڪري ۽ پاڻي جي فراهمي کي فوراً بحال ڪري. هن چيو ته اهو برداشت جوڳو نه آهي تہ روزانو ڪا نه ڪا پاڻي جي لائن ڦاٽي ٿي پوي، جنهن سبب شهرين تڪليفن کي منهن ڏيڻو ٿو پوي، ان مسئلي جو مستقل حل ڳولڻ ضروري آهي. اجلاس وزيراعليٰ هائوس ۾ منعقد ٿيو جنهن ۾ وزير توانائي ناصر شاھ، وزير بلديات سعيد غني، ميئر ڪراچي مرتضىٰ وھاب، چيف سيڪريٽري آصف حيدر شاھ، وڏي وزير جو پرنسپل سيڪريٽري آغا واصف، پلاننگ اينڊ ڊولپمينٽ جو چيئرمين نجّم شاھ، سيڪريٽري بلديات خالد حيدر شاھ، ايم ڊي واٽر بورڊ احمد علي صديقي، ۽ پروجيڪٽ ڊائريڪٽر ڊبليو ايس ايس آئي پي شامل هئا. اجلاس ۾ وڏي وزير پنهنجي ڪاوڙ جو اظهار ڪيو ۽ هدايت ڪئي تہ واٽر بورڊ سڀني پراڻي لائينن جو جامع سروي ڪري ۽ انهن جي مرمت يا تبديلي لاءِ پنجن سالن جو منصوبو تيار ڪري. هن زور ڏنو تہ "واٽر بورڊ کي پنهنجي سسٽم کي مضبوط بنائڻو پوندو." ڪي-فور منصوبو: ڪراچي جي وڏي عرصي کان جاري پاڻي بحران جي حل لاءِ جاري هن اهم منصوبي جي اهميت تي زور ڏيندي وڏي وزير سڀني لاڳاپيل ادارن کي چيو تہ انتظامي رڪاوٽن کي جلد ختم ڪيو وڃي. هن لوڪل گورنمينٽ کاتي کي هدايت ڪئي تہ ٽينڊرن جو عمل تڪڙو مڪمل ڪري ۽ سڀئي ضروري اين او سيز حاصل ڪري ته جيئن ٽن مهينن اندر 71.8 ارب روپين جي هن منصوبي تي عملي ڪم شروع ٿي سگهي. ڪي-فور منصوبي جو مقصد ڪراچي ۾ پاڻي جي فراهمي کي بهتر بڻائڻ آهي ۽ ايشين انفرسٽڪچر انويسٽمنٽ بئنڪ (AIIB)، ورلڊ بينڪ ۽ سنڌ حڪومت مالي مدد مهيا ڪري رهيا آهن. منصوبي جا مختلف پيڪيجز آهن:  - پيڪج اي: ريزروائر 1 کان Y-جنڪشن تائين پاڻي جي ٽرانسميشن لائن ، - پيڪج B1: ريزروائر R2 کان فيڊرل اردو يونيورسٽي تائين ٽرانسميشن  - پيڪج B2: فيڊرل اردو يونيورسٽي کان گلبائي تائين  - پيڪج سي  R3 کان بنارس تائين، ۽ هڪ 2.7 ڪلوميٽرن جو گڏيل رستو جيڪو ڪراچي بس رپيڊ ٽرانزٽ (KBRT) نظام سان جُڙيل آهي. منصوبي جو ڊزائين هڪ بين الاقوامي آسٽريائي ڪمپني پاران تيار ڪيو ويو آهي ۽ اهو پلاننگ ڪميشن جي هدايتن مطابق آهي. بڊ دستاويز تيار ٿي رهيا آهن ۽ نگراني ڪندڙ ڪنسلٽنٽ جي ذريعي اپڊيٽ ٿي رهيا آهن. تعميراتي نگراني لاءِ ڪنسلٽنٽ (CSC) جي خدمتن جو عمل شروع ٿي چڪو آهي. ٽيڪنيڪل ۽ مالي تجويزن جي ٽيڪنيڪي تشخيص رپورٽ (TER) ورلڊ بينڪ جي منظوري حاصل ڪري چڪي آهي.  مالي تجويزون گذريل مهيني کوليون ويون ۽ معاهدي جو جائزو رپورٽ (CER) ورلڊ بينڪ سان شيئر ڪئي وئي آهي. اين او سي جي منظوري کانپوءِ 6 مئي تي نو آبجيڪشن ليٽر (NOL) جاري ڪيو ويو. معاهدو 12 مئي 2025 تي دستخط ٿيڻ جي اميد آهي. منصوبي جي منظوري لاءِ 18 مختلف ادارن سان رابطو ڪيو ويو هو جن مان 7 ادارن کان NOCs حاصل ٿي چڪيون آهن.  وڏي وزير پنهنجي عزم جو اظهار ڪيو ته هو هن منصوبي کي جلد مڪمل ڪرڻ لاءِ ڪوشش ڪندا ته جيئن ڪراچي جي شهرين کي صاف پاڻي جي فوري فراهمي کي يقيني بڻائي سگهجي.