سنڌ پبلڪ سروس ڪميشن پاران 2024 جي رپورٽ وڏي وزير کي پيش

Posted on: 15 Sep 2025 Tags:

ڪراچي (13 سيپٽمبر): سال 2024 ۾ سنڌ پبلڪ سروس ڪميشن (SPSC) مختلف شعبي ۾ مجموعي طور 109 لکت جا امتحان ڪرايا جن ۾ 381960 اميدوار شريڪ ٿيا۔ انهن مان 26722 اميدوار ايندڙ مرحلن لاءِ اهل قرار ڏنا ويا۔ لکت واري امتحان کان پوءِ سروس ڪميشن 25921 انٽرويوز ڪيا جن جي نتيجي ۾ 6077 اميدوارن کي مختلف سرڪاري کاتن ۾ مقرريءَ لاءِ سفارش ڪئي وئي۔ هي انگ اکر چيئرمين SPSC پاران وڏي وزير کي پيش ڪيل 2024 واري سالياني رپورٽ ۾ ظاهر ڪيا ويا۔ رپورٽ مطابق ڪميشن سڄي سال ۾ ڀرتي ۽ چونڊ جي عمل کي جديد خطوط تي استوار ڪرڻ ۾ نمايان اڳڀرائي ڪئي۔ سال 2024 جو هڪ وڏو سنگ ميل حيدرآباد هيڊ آفيس ۾ جديد ڪمپيوٽر بيسڊ ٽيسٽنگ (CBT) ليب جو افتتاح هو۔ هي سهولت ڀرتي جي عمل کي بين الاقوامي معيار سان هم آهنگ ڪرڻ لاءِ قائم ڪئي وئي آهي جنهن ۾ ريئل ٽائيم ٽيسٽ ڊليوري، فوري نتيجن جي فراھمي، سوالنامن جي رينڊم جنريشن ۽ جديد مانيٽرنگ سسٽم شامل آهن۔ هي ليب هڪ محفوظ ۽ ڪنٽرول ٿيل ماحول مهيا ڪري ٿي جيڪو غلطي ۽ بدعنواني جي امڪانن کي گهٽ ۾ گهٽ ڪري ٿو۔ SPSC عملدارن موجب، هي ڊجيٽل تبديلي نه رڳو عمل کي تيز ۽ مؤثر بڻائي ٿي پر شفافيت ۽ مساوي موقعا پڻ يقيني بڻائي ٿي۔ ڪميشن، سنڌ پبلڪ سروس ڪميشن ايڪٽ 2022 تحت ڪم ڪري رهي آهي جيڪو صوبائي اسيمبلي پاران منظور ڪيل قانون آهي جنهن جو مقصد ڀرتي جي عمل ۾ شفافيت، جوابدهي ۽ ميرٽ کي هٿي ڏيڻ آهي۔ هن ايڪٽ تحت ڪميشن مختلف سرڪاري کاتن جي ضرورت مطابق مختلف اشتهار ۽ سيلڪشن ايڪسرسائيز ڪيا۔ سال 2024 ۾ هوم ڊپارٽمينٽ 1821 اسسٽنٽ سب انسپيڪٽرن جون آساميون جاري ڪيون جن لاءِ 32893 درخواستون مليون۔ هيلٿ ڊپارٽمينٽ 1414 آساميون مشتھر ڪيون جن ۾ لڳ ڀڳ 1300 ميڊيڪل ۽ ويمن ميڊيڪل آفيسر جون جايون شامل هيون ۽ 17236 درخواستون مليون۔ ساڳئي طرح ايجوڪيشن ڊپارٽمينٽ 753 آساميون ڪڍيون، جن لاءِ 60323 اميدوارن درخواست ڏني۔ هيلٿ ڊپارٽمينٽ ۾ ليڪچررز (BPS-17) جي 1622 آساميون لاءِ [number_2] درخواستون مليون جن مان 6488 اميدوار لکت وارو امتحان پاس ڪيو، 6293 انٽرويو تائين پهتا ۽ 1519 اميدوارن جي مقرري لاءِ سفارش ڪئي وئي۔ ساڳئي ڊپارٽمينٽ ۾ اسٽاف نرس (BPS-16) جي 324 آساميون لاءِ 315 درخواستون مليون جن مان 272 انٽرويوز تائين پهتا ۽ 260 اميدوار منتخب ٿيا۔ سينئر نرس (BPS-17) جي 154 آساميون لاءِ 4573 درخواستون مليون، 528 لکت وارو امتحان پاس ڪيو، 454 انٽرويوز ۾ شريڪ ٿيا ۽ 150 اميدوار ڪامياب ٿيا۔ ميڊيڪل/ويمن ميڊيڪل آفيسر (ڪوويڊ سوئيٽبلٽي) جي 822 آساميون لاءِ 808 درخواستون مليون، 598 اميدوارن انٽرويو ڏنو ۽ 560 چونڊيا ويا۔ ويمن ميڊيڪل آفيسر جي 350 آساميون لاءِ 7713 درخواستون مليون، 1159 امتحان پاس ڪيو، 1061 انٽرويو تائين پهتا ۽ 344 اميدوارن جي مقرري لاءِ سفارش ٿي۔ لوڪل گورنمينٽ ڊپارٽمينٽ ۾ ٽائون آفيسر (BPS-16) جي 698 آساميون لاءِ 88543 درخواستون مليون ۽ آخرڪار 640 اميدوار ڪامياب ٿيا۔ اڪائونٽس آفيسر (BPS-17) جي 101 آساميون لاءِ 10913 درخواستون مليون ۽ 101 اميدوار منتخب ٿيا۔ ساڳئي طرح اسسٽنٽ ايگزيڪيوٽو انجنيئر (BPS-17) جي 240 آساميون لاءِ 5913 درخواستون مليون ۽ 160 اميدوار سفارش ٿيا۔ ايجوڪيشن ڊپارٽمينٽ ۾ سبجيڪٽ اسپيشلسٽ (BPS-17) جي 280 آساميون لاءِ 14513 درخواستون مليون ۽ 465 اميدوار منتخب ٿيا۔ هيڊ ماسٽرز ۽ هيڊ مسٽريسز جي 364 آساميون لاءِ 7634 درخواستون مليون ۽ 200 اميدوار مقرري لاءِ سفارش ٿيا۔ لائيو اسٽاڪ ڊپارٽمينٽ ۾ ويٽرنري/ريسرچ آفيسر (BPS-17) جي 242 آساميون لاءِ 7489 درخواستون مليون ۽ 200 اميدوار چونڊيا ويا۔ جولاءِ 2022 کان 2025 تائين SPSC ڪل 18560 اميدوارن کي مختلف سرڪاري کاتن ۾ مقرري لاءِ سفارش ڪئي۔ انهن ۾ 2022 ۾ 1282، 2023 ۾ 5572، 2024 ۾ 6077 ۽ 2025 لاءِ 5629 اميدوار شامل آهن۔ ڊجيٽل جدت ۽ ميرٽ تي ٻڌل عمل ذريعي SPSC سنڌ جي لائق ۽ پرعزم نوجوانن لاءِ شفافيت، اعتبار ۽ مساوي موقعا مهيا ڪرڻ جي پنهنجي واعدي کي وڌيڪ مستحڪم ڪري رهيو آهي۔

Back